عدول جاءت عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور

واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة..

محشش وقفو بوليسي ولاحظ بأن لوحة الأرقام الأمامية مختلفة على الي في الخلف قاليه : منين هدو ماتيتشابهوش فيها إن؟ مد ليه شي حاجة في يده وقال ليه : إن وأخواتها..علاه دبا انت وجهك تيشبه لكٌفاك..

محشش وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش أجمي راني حافظو بـا ركور (عن ظهر قلب)..!!!!

غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة ..
اختار عمارة علوها 30متر واشترى حبل طوله 26 متر طلع فوق العمارة وتلاح ..مني هبط راسو تغرس في الأرض ..
الناس ﮔاع قالو ولد فلان انتحر..في التحقيق ديال البوليس سولو الدرو ﮔري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور..

واحد مشى عند آخر وقال ليه تشهد لي زور وتاخد عشرلاف بلا فلان سلفتو مليون ومردهاش لي
. صافي ؟ وهو يقول ليه على باقي مردهاش ليك تنكٌوليك أصاحبي مبقيش تسلفو..
هداك راه جرارة

واحد فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط ..تيرد عليها: وعليكم السلام.. طوط .. وعليكم السلام..دايز واحد وهو يقول ليه : السلام عليكم ..وهو يقول ليه طوط..

واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها..

واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور..

واحد قالو ليه مني تاكل سمي الله راه الشيطان تياكل معاك ناض دار السم في الماكلة

الدار الي فيها الأحول فيها البركة..حيتاش تيشوف جوج من الحاجة..هههههههههه

واحد كال صابونة .. بغى يغسل مصارنو..

هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )